I’m back!

Matagal-tagal ko rin palang hindi na-update ang blog kong ito.  Paumanhin po sa dalawa kong tagasubaybay.  Naging abala lang po sa trabaho at sa ilang mga bagay-bagay.  Pero hindi ko na kayo muling iiwan.  Pangako!

Ilan ang mga ito sa mga bagong pangyayari sa buhay ko:

Bagong blogs, bagong domains!

Ngayong buwan ng Marso, may binili akong dalawang domains.  Naisip ko kasing hindi ko makukuha yung target kong $500 na kita mula sa adsense kung hindi ako magdadagdag ng raket.  Kaya yun, may bago akong blogs – ang NZ Immigration Guide at Batangas Beach Resorts.  Bisitahin din po ninyo at huwag mahiyang i-link sa blogs nyo. hehe!

Travel and Travel

Gaya ng naipangako ko kay Pia, mamamasyal kami sa Bohol sa susunod na buwan.  Regalo ko iyon sa graduation nya.  Malapit na syang maging dentist kasi tapos na sya sa kinder.  Excited na nga sya sumakay ng eroplano at makakita ng mga tarsiers. May tiket na kami mula sa Cebu Pacific (papuntta) at Zest Air (pabalik).  Pero wala pang katiyakan kung saan kaming resort o hotel tutuloy.  Pahirapan sa booking eh.  Bahala na si Batman.

May tiket na rin kami papuntang Hong Kong, 4 na araw at 3 gabi kami doon.  Inaayos ko pa rin ang itinerary namin.  Ang natitiyak ko lang, pupuntahan ko si Mickey Mouse.  Birthday gift ko naman ito sa kanya.

Wala sanang magbanggang mga kometa o planeta para matuloy ang lakad damin.  Excited na kasi talaga si Pia.

O sya, magsasagot muna ako ng mga emails at tambak pa rin ako.

It’s so aliw!

Noong isang raw, 156 na yung rank ko sa Busby SEO Test contest na sinalihan ko. Nag check ako kanina, officially ay no. 63 na ako.  It’s so aliw! hehe!

Sumali din pala sa sa contest na ito si Doms. Palagay ko ay mas mauuna pa sya sa ranking dahil mas mataas yung page rank ng blog na ginamit nya.  Kaya ngayon, nag-o-optimized na rin sya para sa key phrase na Busby SEO Test.

Good luck sa amin!

Busby SEO Test

Sumali ako sa Busby SEO Test. Ito ang unang beses na sumali sa Search Engine Optimization (SEO). Syempre, hindi naman ganun kalaki ang tsansa kong manalo kasi baguhan lang naman ako sa SEO. Pero ganunpaman, nakakaaliw ito kaya sumali na rin ako. Baka makatsamba. hehe!

Alam nyo kung magkano ang premyo? $5,000 para sa first prize!

Pano nyo ako matutulungang manalo?

Buti na lang at naitanong nyo yan. haha!

Ganito. Gawa kayo ng blog post tungkol sa contest tapos i link yung blog post ko na may anchor text na Busby SEO Test. Klaro?

Hindi pa rin?

Ok, kopyahin nyo na lang ito:

<a href="http://apolthegreat.blogspot.com/2008/10/busby-seo-test.html" title="Busby SEO Test"></a>

Salamat ha?

Bad trip

Biglang bumaba yung stats ng Canada Visa blog ko. Na-deindxed kasi ng google ang maraming pages at yun pang mga hot key words ko. Bad trip talaga.

Eh paano na makikita ang blog ko ng mga naghahanap ng Canada Jobs?

Tapos, lalabas pa yung immigration priorities. Tiyak, maraming maghahanap nito. Dati lagi akong nasa first page kapag may nag search ng AINP Family Stream, ngayon wala na sa top results yung blog ko. Buti na nga lang at may digg at yahoo buzz. Kahit paano ay may nagdadala pa rin ng traffic sa site ko.

Hmmm… what have I done wrong, King G?

Rebolusyon o Immigration?

Dahil sa blog review ng Canada Visa Philippines blog ko, naisip ko na ang trabaho ko pala ngayon ay halos katulad lang ng gawain ko bilang tibak noong nasa college pa ako.

Noon, tumutulong ako sa pagmumulat ng mga estudyante’t manggagawa tungkol sa pambansang sitwasyon, sa kalagayang panlipunan, sa mga problemang kinakaharap ng karaniwang mamamayan. Mula dito’y magbibigay ng mungkahi kung paano itong malulunasan.

Syempre pa, kailangan ng sama-samang pagkilos para magkaroon ng makabuluhang pagbabago sa lipunan, ugatin dapat ang problema, baguhin ang sistema. Kailangan ng rebolusyon. Not necessarily na makipaggera, syempre.

Ngayon naman, trabaho ko ang ipaliwanag sa mga gustong magtrabaho sa ibang bansae ang tungkol sa problema dito sa bansa, ang kalagayan ng mga contract workers, kung bakit may mga ilang taon nang nagtatrabaho pero nabubuhay pa rin ng isang kahig isang tuka. Ang kaibahan lang ngayon, hindi na rebolusyon ang mungkahi ko. Immigration. hehe!

Hahada Laang

Unti-unti nang nagkakabuhay yung blog na ginawa ko para sa Batangas. Madami nang members at madalas na ring may bagong entry.

Kababasa ko lang ng post ni Yoshke tungkol sa Batangan Diction. Nakakaaliw! Siguro dahil nakakarelate ako sa mga salitang Batangueno. Pero siguro din, dahil mahusay talaga ang pagkakasulat.

Proud to be Anak ni Edring

Anak ako ni Edring at ipinagmamalaki ko iyon!

Edring ang palayaw ng Tatay ko pero ang tunay nyang pangalan ay Pedro. Buti na lang hindi ako ginawang junior. Kaya lang, umeksena ang lola ko at siya ang nagbigay ng pangalang Apolonio sa akin. Uhm… ok lang naman kasi natutunan ko na ring mahalin ang pangalan ko. haha!

Naisip kong gumawa ng bagong blog kasi parang bigla kong na-miss ang Tatay ko, na maagang nawala sa mundo. Siyam na taong gulang pa lang ako nang pumanaw ang Tatay ko. Natetano. Pasaway din kasi talaga minsan eh. hehe!

Tsaka ko na aayusin ang template nito kapag nagkaroon ng panahon. Bukod sa blog na ito, may iba pa akong blog na pinagkakabalahan:Apol the Great’s Journal, Batangueno.Net, Canada Visa Philippines at ang blog ng aking pinakamamahal na dalaginding na si Sophia.

O sya, magtatrabaho na muna ako.