Hindi naman contest ang relief oprations di ba?  Para sa iba, parang ganito ang tingin nila.

Madalas ay sa twitter lang ako nakikibalita tungkol sa mga bagong kaganapan hinggil sa kabi-kabilang relief operations na isinasagawa kaugnay ng sakunang dulot ng bagyong Ondoy at Pepang. Sa twitter ko nakikita kung saan pwede pumunta para tumulong, sino nangangailangan ng ano at kung anu-ano pa.

Sa nangyaring magkasunod na bagyo, lumutang ang bayanihan ng mga Pinoy.  Sa kabilang banda, makikita rin talaga ang paligsahan.

“Mas marami talagang hatak ang ABS-CBN, mas malaki ang nalikom na donasyon”, narinig ko minsan sa bus.

Sabi ni Chiz, nakakuha raw sya ng donasyon -20,000 tsinelas.  May sumagot naman na aanhin daw ang tsinelas, eh putik naman tatapakan?  Dapat daw ay pagkain na lang. Hmmm… Eh malamang naman na ang nagbigay noon ay may pagawaan ng tsinelas.  Tatanggihan mo ba yun at sasabihan na pagkain na lang ang ibigy ng may ari? Naman.

Bakit daw kailangan pang i-announce na nakakuha sya ng donasyon?  Sita naman ng isa kay Chiz.  Oo nga naman, bakit kailangan pang i-announce?  Kaya lang bakit kapag kaalyado ang nagsasabi na nakakuha sya ng ganito o nakagawa sya ng ganito, ok lang naman na i-announce?  Pupunta si Noynoy at Mar dito mamagay ng ewan. Whew!

Bakit daw may pangalan pa ni Manny Villar yung mga pinamimigay?  Dito motibo naman ni Villar ang kinukwestyon.  Yung mga plastic bags ng GMA7 at ABS-CBN foundations may pangalan din di ba?  Hindi ko lang alam kung yung galing sa grupo ni Noynoy ay meron din.  Ang tiyak ko lang, yung nakuha naming relief goods sa foundation ni Dingdong Dantes, wala talagang pangalan.  Dingdong for President! hehe! Ay, hindi nga pala si Cory nanay nya, huwag na lang.

But please don’t get me wrong here.  Hindi ako fan ni Villar at Chiz (pero inaamin ko,  ibinoto ko si Chiz para senador).  Ang sa akin lang, hindi na siguro dapat kinukwestyon pa ang kung anuman tulong – tsinelas man yan o panty o bra – ang ibinibigay ninuman.  Lahat naman yan mapapakinabangan.  We need all the help that we can get.

Pero syempre, ibang usapin pa rin yung magkukunwari ka na ipapagamit mo kunwari ang Mansion at maghahakot ka ng evacuees para ipakita lang sa media. Nakakadismaya.

Wala naman akong speed boat at mahina din ako sa languyan. Gustuhin ko mang pumunta sa Marikina at tumulong sa pag-rescue, baka ako lang din ang mapahamak at problemahin pa ng mga rescuers. Kaya inaya ko na lang ang kaibigan ko na pumunta sa Red Cross noong isang araw..

Marami tayong kababayan ang nagugutom, nilalamig sa baha at walang matuluyan dahil sa bagyong Ondoy. Kung kaya nating tumulung kahit sa maliliit na paraan, gawin na natin. Tsaka na natin singilin ang mga !@#$%^YUI sa Malakanyang.

Kung nasa labas ka naman ng bansa o hindi kayang makapunta sa mga relief operation centers, baka kaya mo magdonate na lang. Pwede mag-donate online gamit ang paypal dito: TxtPower.Org

Sa gitna ng kalamidad na dulot ng bagyong si Ondoy, lumutang ang kawalang kahandaan ng National Disaster Coordinating Council (NDCC) na pinangangasiwaan ni Gibo. Kakaunti pala ang mga rubber boats na pwedeng gamitin. 13 lang daw? kulang na kulang!

Syempre ang tanong dyan eh bakit kakaunti? Kulang sa pondo? Tapos mababasa mo itong balitang ito.

‘GMA used P800-million emergency fund for foreign trips’
By Jess Diaz (The Philippine Star) Updated August 15, 2009 12:00 AM

MANILA, Philippines – President Arroyo used up the government’s P800-million contingency fund for emergencies like calamities for her frequent foreign trips, Bukidnon Rep. Teofisto Guingona III revealed yesterday.

Mapapamura ka talaga! !@#$%^&*(O

Sagot ko ito sa blog ni Ella: What are the odds?

Tungkol kasi ito sa case ni Baby Daniel. Yung solicitation letter ng mommy ni Daniel ay may mga kaparehas na sulat at iniba lang ang petsa, pangalan at iba pang detalye. Ang totoo, hindi ko alam na may ganun pala. Nagulat din ako at nakakaduda naman talaga sa biglang tingin.

Nag-iwan ako ng comment sa blog nya.

You raised a valid point. Madami talagang scammers.

Like you, I also blogged about Yuki. By the way, Yuki’s father is now helping Baby Daniel’s mother too. And from one of their email exchanges, which I am copied, it appears that mothers of those with similar cases has this little support group. If those other letters are not scams, my theory is that they just copied the letter from other mothers. This can easily be validated first before giving donations (if we want to). But to insinuate that this could be scam without validating first is not good. Kung may anak kang nanganganib ang buhay, the last thing sigurong iintindihin mo ay grammar.

May kaibigan akong nakatapos sa college sa tulong ng mga solicitations na ginawa nya sa internet. Nakakaduda naman takaga ang gawin nya yun, may mga nagmura pa nga daw sa kanya. Ngayon, tumutulong na rin sya sa mga kagaya nya dati. Mahirap ang pinagdaanan nya at may mahalaga akong natutunan sa kanya. Sabi nya, kung hindi ka rin lang tutulong at hindi ka sigurado kung nanloloko yung humihingi ng tulong, huwag ka na lang magsalita. Masakit daw iyon sa pakiramdam sabi nya. sya yung pinoywebdev na nasa blog mo, school mate ng mother ni Daniel.

Syanga pala, school mate ko rin si Clarissa at narito yung thread para kay Daniel for your additional reference. http://www.asmsi.org.ph/discussion/viewtopic.php?f=12&t=251. There you will see how her schoolmates are helping Daniel.

Nagkalat naman talaga ang mga scammers sa mundo. Naku, dahil sa trabaho ko, ang dami kong nasasaksihang panloloko sa internet. Kaya nga ang ginagawa ko ay inilalantad ko ang mga scammers na ito. Pero iyon ay matapos kong suriin kung scam nga.

Saksi ang mga siomai na ito sa walang humpay na tawanan. Dala-dala ko ang ala-alang ito hanggang sa pagtulog malamang. Salamat.

Nasa coffee shop ako kanina nang mabasa ko sa dyaryo yung Noynoy for President signature campaign.

Ok ba talaga si Noynoy?

Yung paborito kong kolumnista na si Conrado De Quiros, suportado rin si Noynoy at isa pa nga yata sya sa mga naunang nag-udyok kay Noynoy para tumakbo sa Philippines 2010 Election.  Noynoy for President na nga ba?

Kung tutuusin eh wala ka naman talaga itulak-kabigin sa mga nag-aabisyong maging presidente.  Hindi dahil sa lahat sila ay mahuhusay at mapagkakatiwalaan.  Walang itulak-kabigin kasi lahat gusto mo tadyakan palayo. hehe!

Pero si Noynoy?  Hmm… bukod sa anak sya ni Cory at Ninoy, ano ba ang signipikanteng napatunayan nya na?  Ok, madalas ay nasa panig sya ng mga progresibong kilusan pagdating sa mgg isyung may kinalaman sa mga inaaping sektor.  Ganunpaman, hidni ko pa rin tiyak kung iboboto ko siya.

Ayusin nya muna ang kalagayan ng mga manggagawang bukid sa Hacienda Luisita at ibigay ang dapat ibigay sa mga magsasaka.  At paano na yung biktima ng Hacienda Luisita massacre?  Kung maging pangulo si Noynoy, hindi malayong mas protektahan nya pang lalo ang kanilang lupain. Eh di lalong dadami ang alahas ni Kris Aquino na katas daw ng tubuhan?

Ang babaw ko talaga.

Burger, french fries, soft drinks, tawanan, kwenuhan, kulitan at kung anu-ano lang na kababawan. Solved na solved na ako don. Syempre.

Sa sweldo ulit? hehe!

Pero tama ba yung narinig ko kanina? hmmm….

Kapag available na sa Pilipinas at mura lang ang presyo, ibibili ko si Pia ng Zhu Zhu Pets, ang hamster na hindi namamatay.hehe!

Ilang beses ko na kasi siyang ibinili ng hamster pero ang bilis namamatay.

Itong Zhu Zhu Pets, battery lang ang katapat. LOL

May house mate ako na nahuhumaling sa Avatar (cartoon) at bumili pa nga ng pirated DVD copy. Kaya ayun, napapanood ko rin minsan kapag natityempuhan kong nanonood sya.

Ngayon ko lang nalaman na may movie na pala ito at malapit ng ipalabas sa IMAX. Plano ko itong panoorin mag maynakaladkad akong makakasama. hehe!

Pansamantala, magtitiyaga muna ako dito: James Cameron’s Avatar movie trailer on Apple website.

Akala ko mali lang ang pwesto ng pagkakagising ko kanina. Nag-ehersiyo ng kaunti pero ganun pa rin.

Akala ko makukuha sya kapag naligo ako. Pero hindi pa rin.

Nakatatlong tasang kape na ako ganun pa rin.

Muntik ko na nga sabihin sa diyosa ng karagatan kung bakit sa palagay ko ay ganun ang pakiramdam ko, kaya lang ay inabot ako ng hiya.

Mabuti na lang din at hindi ko sinabi. Hindi ko rin kasi alam kung maiintindihan nya yun o kung kailangan nya pa ba yung malaman.

Sasarilinin ko na lang siguro. Makukuha naman ito siguro sa diatabs.